حماس کے فوجی ونگ القسام بریگیڈ کے ترجمان ابو عبیدہ نے کہا ہے کہ صیہونی حکومت کے زندہ قیدیوں میں سے نصف ان علاقوں میں ہیں جہاں صیہونی فوج کو بمباری کا حکم دیا گیا ہے۔
حماس کے فوجی بازو القسام کے ترجمان نے کہا ہم نے ان قیدیوں کو مذکورہ علاقوں سے منتقل نہ کرنے اور انہیں سخت حفاظتی اقدامات میں رکھنے کا فیصلہ کیا ہے، حالانکہ یہ اقدامات ان کی زندگیوں کے لیے انتہائی خطرناک ہیں۔ ابوعبیدہ نے خبردار کیا کہ اگر دشمن اپنے قیدیوں کی زندگیوں کے بارے میں واقعی فکر مند ہے، تو انہیں فوری طور پر اپنے قیدیوں کی رہائی کے لیے مذاکرات کرنا چاہیے۔
ان کا کہنا تھا کہ ہم نے خبردار کیا ہے کہ اب ہم یہ ذمہ داری نہیں اٹھائیں گے۔
انہوں نے یہ بھی کہا کہ ان قیدیوں کی زندگی کی پوری ذمہ دار نیتن یاہو کی حکومت ہے۔ اگر وہ واقعی ان کی پرواہ کرتے تو وہ جنگ بندی معاہدے پر قائم رہتے اور شاید ان میں سے اکثر قیدی آج اپنے گھروں میں ہوتے۔