صیہونی حکومت خون کی پیاسی ہے اور اس کی یہ پیاس کبھی نہیں بجھتی ہے: حزب اللہ لبنان

حزب اللہ لبنان نے غزہ کے بیس لاکھ سے زائد محصور عوام کے لئے انسان دوستانہ امداد لے جانے والے بحری جہاز پر صیہونی حکومت کے حملے کو اس حکومت کی کبھی نہ بجھنے والی خون کی پیاس کی علامت قرار دیا ہے

المنار ٹی وی کے مطابق حزب اللہ نے ایک بیان جاری کرکے کہا ہے کہ انسان دوستانہ امداد لے جانے والے غیر فوجی بحری جہاز پر حملہ بین الاقوامی قوانین اور اصول وضوابط نیز انسانی قدروں کی کھلی خلاف ورزی ہے۔

حزب اللہ نے اپنے بیان میں کہا ہے کہ اگر امریکا کی کھلی حمایت، بین الاقوامی نظام کی شرمناک شرکت اور غزہ ميں مظلوم فلسطینی عوام کی نسل کشی پر مبنی اس حکومت کے جرائم پرعرب حکومتوں کی خاموشی نہ ہوتی تو غاصب صیہونی حکومت اس جرم کا ارتکاب نہیں کرسکتی تھی۔

حزب اللہ لبنان نے اپنے بیان میں غاصب صیہونی حکومت کے اس جرم کی عالمی سطح پر اور عرب ملکوں کی جانب سے وسیع مذمت کا مطالبہ کیا ہے۔ حزب اللہ نے اسی کے ساتھ مذکورہ بحری جہاز، اس کے عملے کے افراد اور اس میں موجود انسان دوستانہ امور میں فعال کارکنوں کی حفاظت پر زور دیا ہے۔