فلسطینی میڈیا نے غزہ پر غاصب اسرائیل کے فضائی حملے میں تحریک حماس کے سابق شہید رہنما کے بھائی کی شہادت کی خبر دی ہے۔ البتہ الجزیرہ ٹی وی نے اعلان کیا کہ ڈاکٹر زکریا السنوار شہید نہیں ہوئے تاہم ان کی حالت تشویشناک ہے۔
شفقنا نیوز ایجنسی کی رپورٹ کے مطابق تحریک حماس کے سابق مجاہد رہنما شہید یحییٰ السنوار کے بھائی زکریا السنوار اپنے اہل خانہ سمیت نصیرات کیمپ میں قدس کی غاصب اور جابراسرائیلی فوج کے لڑاکا طیاروں کے فضائی حملے میں شہید ہو گئے۔
شہید ڈاکٹر زکریا السنوار، جو گزشتہ رات ایک فضائی حملے میں اپنے اہل خانہ سمیت شہید ہوئے، اسلامی یونیورسٹی میں عصری تاریخ کے پروفیسر تھے۔
البتہ الجزیرہ ٹی وی نے اعلان کیا ہے کہ شہید یحییٰ السنوار کے بڑے بھائی ڈاکٹر زکریا السنوار شہید نہیں ہوئے لیکن زخموں کی شدت کے باعث ان کی حالت تشویشناک ہے۔
الجزیرہ ٹی وی کے رپورٹر نے اعلان کیا ہے کہ حماس کے سیاسی بیورو کے شہید سربراہ یحییٰ السنوار کے بڑے بھائی ڈاکٹر زکریا السنوار تاحال زندہ ہیں۔
الجزیرہ کے رپورٹر نے اس خبر کا اعلان کرتے ہوئے تاکید کی ہے کہ ڈاکٹروں کی جانب سے ڈاکٹر زکریا السنوار کی موت کے اعلان کے بعد انہیں ہسپتال کے مردہ خانے میں منتقل کر دیا گیا تھا تاہم اہم زندہ رہنے کی علامات دیکھنے کے بعد انہیں دوبارہ خصوصی نگہداشت کے وارڈ میں داخل کرایا گیا تاہم اب بھی ان کی حالت تشویشناک ہے۔
فلسطینی ذرائع کے مطابق آج صبح سے غزہ کی پٹی پراسرائیلی فوج کے شدید فضائی اور توپ خانے کے حملوں میں مزید 160 سے زائد افراد شہید ہو گئے اس طرح 7 اکتوبر 2023 سے غزہ پر ہونے والی اسرائیلی فوج کی جارحیت میں 53 ہزار 272 سے زائد فلسطینی شہید اور ایک لاکھ 20 ہزار 673 سے زائد زخمی ہوئے ہیں۔