صدرعارف علوی نے زور دیا کہ بین الاقوامی برادری فریقین کو لڑائی مزید بڑھانے سے روکنے کیلئے اپنا کردار ادا کرے، بین الاقوامی برادری یو این قراردادوں کے مطابق دیرینہ تنازعے کے حل کیلئے کام کرے۔
صدر مملکت عارف علوی نے کہا ہے کہ خونریزی اور انسانی جانوں کے مزید نقصان کوروکنے کیلئے تحمل کا مظاہرہ کیا جانا چاہیے، فلسطین اور اسرائیل کے درمیان تصادم سےعوام کی مشکلات میں مزید اضافہ ہوگا۔
اس سے قبل نگران وزيراعظم انوار الحق کاکڑ نے کہا تھا کہ مشرق وسطیٰ میں بڑھتے ہوئے تشدد سے دل شکستہ ہے، حالیہ واقعات مسئلہ فلسطین کو حل کرنے کی فوری ضرورت پر زور دیتے ہیں۔
واضح رہے کہ ہفتے کی صبح غزہ سے اسرائیل پر 7000 راکٹ فائر کیے گئے جس کے بعد فلسطین اور اسرائیل میں جنگ چھڑ گئی، فلسطینی مزاحمتی تحریک حماس کے اسرائیل پر زمین، سمندر اور فضا سے کیے گئے۔
حملوں میں صیہونی فوجیوں سمیت 300 سے زائد اسرائیلی ہلاک جبکہ سینکڑوں زخمی اور درجنوں یرغمال بنالیے گئے۔