1967 سے پہلے والے بارڈرز کے تحت خودمختار ریاست فلسطین ہونی چاہیے، وزیراعظم
نگران وزيراعظم انوار الحق کاکڑ نے کہا ہےکہ مشرق وسطیٰ میں بڑھتے ہوئے تشدد سے دل شکستہ ہے، حالیہ واقعات مسئلہ فلسطین کو حل کرنے کی فوری ضرورت پر زور دیتےہیں۔
مشرق وسطیٰ میں پائیدار امن دو ریاستی حل میں موجود ہے، 1967 سے پہلے والے بارڈرز کے تحت قابل عمل، خودمختار ریاست فلسطین ہونی چاہیے، فلسطین کی ایسی ریاست ہو جس کا دل القدس الشریف ہو۔
ترجمان دفترخارجہ نے کہاکہ پاکستان اقوام متحدہ، او آئی سی قراردادوں کے مطابق مسئلہ فلسطین کےمنصفانہ حل کا اعادہ کرتا ہے،سابق وزیراعظم شہبازشریف نے اسرائیل پرحماس کےحملوں کو مسجد اقصیٰ اور مقدس مقامات پراسرائیلی کارروائیوں کا ردعمل قرار دے دیا۔
ان واقعات سے حیران نہیں ہوں، خطے میں امن کے لیے اسرائیل کے غیر قانونی قبضے، یہودی آباد کاری، اور فلسطینیوں پرمظالم کا خاتمہ ضروری ہے۔