اسلامی مزاحمتی تحریک حماس کے رہنما "اسامہ حمدان” نے میڈیاکے ساتھ گفتگو میں کہا کہ اگر واشنگٹن مثبت انداز میں کام کرے اور قابض حکومت کا ساتھ نہ لے تو ایک معاہدہ طے پا سکتا ہے۔
صیہونی حکومت غزہ سے نکل جائے تاکہ فلسطینی اپنے مستقبل کا فیصلہ خود کر سکیں،جنگ بندی معاہدے کی قبولیت کے سلسلے میں ہمیں صیہونی حکومت کی طرف سے واضح موقف کی ضرورت ہے۔
نہ تو ہمیں اور نہ ہی کسی اور کے پاس غزہ میں زندہ اسرائیلی قیدیوں کی تعداد کے بارے میں معلومات ہیں،اسے پہلے تحریک حماس نے ایک بیان میں امریکی وزیر خارجہ انٹونی بلینکن کو جنگ بندی معاہدے کے حصول میں رکاوٹ قرار دیا تھا۔
تحریک حماس نے امریکی وزیر خارجہ کے ان بیانات کی بھی مذمت کی ہے، جس میں انہوں نے تحریک مزاحمت کو غزہ کی پٹی میں جنگ بندی معاہدے کے حصول میں رکاوٹ قرار دینے کی کوشش کی تھی۔