فلسطین کی تحریک حماس کے ایک وفد نے لبنان ميں حزب اللہ لبنان کے سربراہ سید حسن نصراللہ سے اہم ملاقات اور گفتگو کی ہے۔
المیادین ٹی وی کی رپورٹ کے مطابق خلیل الحیہ کی زیرقیادت حماس کے وفد نے حزب اللہ کے سربراہ سے ملاقات میں فلسطین بالخصوص غزہ کی پٹی، لبنان، یمن اور عراق کے استقامتی محاذوں کی تازہ ترین صورت حال کا جائزہ لیا۔
حماس کے وفد اور حزب اللہ لبنان کے سربراہ نے اپنی ملاقات میں جاری مذاکرات ، جنگ بندی سمجھوتے کے لئے مجوزہ منصوبوں اور غزہ پٹی کے باشندوں کے خلاف وحشیانہ جارحیت روکنے کا جائزہ لیا۔
اس ملاقات میں فریقین نے اپنے مدنظر اہداف کے حصول کے لئے تمام سیاسی و جنگی امور میں ہماہنگی جاری رکھنے پر تاکید کی ۔