غزہ جنگ میں فلسطینیوں کے خلاف لڑنے سے انکار پر گرفتار صیہونی نوجوان کو صیہونی فوج نے رہا کر دیا۔
صیہونی میڈیا کے مطابق غزہ جنگ میں لڑنے سے انکار پر گرفتار صیہونی نوجوان کو 185 دن قید میں رکھا گیا۔
صیہونی قانون کے مطابق صیہونی فوج میں شمولیت سے انکار پر سزائیں مقرر ہیں اور صیہونی نوجوان کو بھی اسی قانون کے تحت گرفتار کیا گیا تھا۔
صیہونی فوج کی قید سے رہائی پانے والے صیہونی نوجوان کا کہنا ہے مجھے جنگ اور قبضےکے خلاف جدوجہد میں کردار ادا کرنے کا موقع ملا، خوشی ہے صیہونی حکومت میں جنگ کے خلاف آواز بلند ہو رہی ہے۔
خیال رہے کہ گزشتہ برس اکتوبر سے جاری صیہونی حملوں میں اب تک 38 ہزار سے زائد فلسطینی شہید اور 88 ہزار سے زائد زخمی ہو چکے ہیں۔
اقوام متحدہ اور دیگر بین الاقوامی اداروں کی رپورٹس کے مطابق صیہونی حکومت نے فسلطینیوں کے خلاف خوراک کی فراہمی بھی معطل کر رکھی ہے جس کے باعث بچے اور حاملہ خواتین بھوک و افلاس کا شکار ہو کر مر رہے ہیں۔