ابلاغیاتی ذرائع نے شام کے بعض علاقوں پر صیہونی فوج کے قبضے کی خبر دی ہے اور غاص صیہونی فوجیوں کے قنیطرہ میں داخل ہونے کی فوٹیج ایسی حالت میں جاری کی ہیں کہ صیہونی حکومت کی کابینہ نے شام کے اسٹریٹیجک علاقے جبل الشیخ پر قبضے اور یہاں ایک بفر زون بنانے کی منظوری دے دی ہے
الجزیرہ ٹی وی نے بتایا ہے کہ 1974 کے بعد پہلی بار صیہونی حکومت کی فوجی گاڑیاں شام کے جنوبی علاقوں میں داخل ہوئی ہیں۔
بعض میڈیا ذرائع نے رپورٹ دی ہے کہ صیہونی فوجی شام کے 14 کلومیٹر اندرتک پہنچ گئے ہیں۔
ابلاغیاتی ذرائع نے اسی طرح اسرائيلی فوج کے شام کے شہر قنیطرہ میں داخل ہونے کی فوٹیج بھی نشر کی ہیں۔
اسی سلسلے میں صیہونی فوج کے ریڈیو نے بھی کہا ہے کہ غاصب صیہونی کابینہ نے شام کے اسٹریٹیجک علاقے جبل الشیخ پر قبضے اور وہاں ایک بفر زون بنانے کی اجازت دے دی ہے۔
صیہونی حکومت کی فوج کے ریڈیو نے کہا ہے کہ اسرائیلی فوج شام کی سرحد پر بفر زون بنانے پر قادر ہے۔