قومی ایپکس کمیٹی نے پاکستان میں غیرقانونی طور پر مقیم تمام غیر ملکیوں کو ملک بدر کرنے کا حتمی فیصلہ کر لیا، اجلاس میں ملک کی مجموعی امن و امان کی صورتحال کا جائزہ لیا گیا۔
نگراں وزیر داخلہ نے بتایا ہے کہ غیر قانونی غیرملکیوں کو ملک سے نکل جانے کے لیے ڈیڈ لائن دے دی گئی ہے، تمام غیرقانونی مقیم غیرملکی اس تاریخ تک تمام اثاثے فروخت کرنے اور اپنے وطن واپسی کے پابند ہوں گے۔
ڈیڈ لائن ختم ہونے پر غیر ملکیوں کو ملک بدر کردیا جائے گا اور جائیدادیں قرق کر دی جائیں گی،پاکستان میں صرف ’’پروف آف رجسٹریشن‘‘ کے حامل افغان مہاجرین سکونت کے اہل ہوں گے۔
باقاعدہ قانونی ویزا کے حامل افغان شہری بھی پاکستان کا سفر کرنے کے اہل ہوں گے۔ پاکستان میں مقیم تمام غیرقانونی افغان مہاجرین، شہریوں کو بھی ممکنہ ڈیڈ لائن تک اپنے ملک واپس جانا ہو گا۔