حیدر آباد میں فلسطین یکجہتی ریلی سے خطاب میں مختلف جماعتوں کے رہنماؤں نے کہا ہے کہ فلسطین میں معصوم بچے، خواتین سب غاصب صیہونی حکومت کے ظلم کا شکار ہو رہے ہیں ۔ ہمیں اسرائیل کی مصنوعات کا بائیکاٹ کرنا چاہیے، ان کے معاشی مفادات پر ضرب لگانی ضروری ہے۔
جنگ میں بھی اسپتالوں پر بم نہیں گرائے جاتے لیکن فلسطین میں گرائے جا رہے ہیں ،روزانہ فلسطین میں شہادتیں ہو رہی ہیں اور وہ ستّر سال سے اس ظلم کا شکار ہیں۔
\
اس بار واویلا اس لیے مچایا جا رہا ہے کہ پہلی بار اسرائیلی بھی بڑی تعداد میں ہلاک ہوئے ہیں، اگر انسانی حقوق کے علمبردار ادارے اور تنظیمیں اپنا کردار ادا نہیں کرتیں تو یاد رکھیں کہ شہید ہونے والے بچوں کا خون رائیگاں نہیں جائے گا۔