آرمی چیف جنرل عاصم منیر نے آذربائیجان کے صدر الہام علیوف اور وزیر دفاع سمیت دیگر اہم شخصیات سے ملاقاتوں میں دونوں ممالک کے درمیان عسکری و دفاعی تعلقات میں اضافے پر تبادلہ خیال کیا۔
آئی ایس پی آر کے مطابق اس موقع پر آذربائیجان کی سیاسی اورعسکری قیادت نے پاکستان کی جانب سے آذربائیجان کی مسلسل حمایت کو سراہا۔
ملاقات میں دونوں ریاستوں اور افواج میں باہمی تعاون کو نئی سطح تک بڑھانے کا عزم کیا گیا،اپنے دورے کے موقع پر آرمی چیف جنرل عاصم منیر نے باکو میں یادگارِ شہدا پر پھول بھی رکھے۔
آئی ایس پی آر کے مطابق آرمی چیف کے دورے کا مقصد دونوں برادر ممالک کے درمیان فوجی اور دفاعی تعاون کو بڑھانا ہے۔