چیف الیکشن کمشنر سکندر سلطان راجہ سے ملاقات میں بیرسٹر گوہر اوربابر اعوان موجود تھے ،پی ٹی آئی وفد نے تحریک انصاف کے انٹرا پارٹی الیکشن سے متعلق تحریری فیصلہ جاری کرنے کا مطالبہ کیا ہے۔
بیرسٹر گوہر علی نے بتایا کہ تقریبا 45 منٹ کی ملاقات ہوئی جس میں چیف الیکشن کمشنر اور ممبرز موجود تھے، ہم نے چارٹر آف ڈیمانڈ الیکشن کمیشن کو دیا۔ ہم نے کہا کہ ہمیں میٹنگ کی اجازت نہیں دی جا رہی ہے جبکہ پی ٹی آئی کے جھنڈے اور بینرز پرنٹ نہیں ہونے دیے جا رہے۔
ہم نے الیکشن کمیشن کو کہا ہے ایک نوٹیفیکیشن جاری کریں جس میں ہمیں فیئر اینڈ فیئر الیکشن کی مہم کی اجازت دی جائے، ہم نے یہ بھی کہا کہ نگراں حکومت فنڈز جاری کر رہی ہے جو نہیں کرسکتی۔
الیکٹرک کمپنیز کے ڈسکوز جاری کرنے والے ن لیگ کے امیدوار ہیں، ہمارا انتخابی نشان کا آرڈر ابھی تک ریلیز نہیں کیا گیا ان کو کہا ہے کہ تفصیلی آرڈر جاری کیا جائے۔
بیرسٹر گوہر علی نے بتایا کہ الیکشن کمیشن نے کہا کہ بیٹ کا نشان پی ٹی آئی کا ہی ہوگا، کوئی چیئرمین مائنس نہیں ہوگا جو چیئرمین پی ٹی آئی ہیں وہ رہیں گے، الیکشن کمیشن کی آئینی ذمے داری ہے لیول پلیئنگ فیلڈ کے لیے کردار ادا کرے گا۔