ترجمان پاک بحریہ کے مطابق بحیرہ عرب میں میری ٹائم سکیورٹی کے حالیہ واقعات کے بعد پاک بحریہ نے اپنے بحری جنگی جہازوں کو تعینات کردیا ہے اور بحیرہ عرب میں پاکستان کے تجارتی راستوں کے حفاظت کو یقینی بنانے کیلئے مسلسل پیٹرولنگ جاری ہے۔
پاک بحریہ ان تجارتی گزرگاہوں کی مسلسل فضائی نگرانی بھی کررہی ہے، پیٹرولنگ کا مقصد پاکستان اور بین الاقوامی تجارتی بحری جہازوں کی حفاظت کو یقینی بنانا ہے۔
پاک بحریہ کے جنگی جہاز بحیرہ عرب میں اپنی مستقل موجودگی کو یقینی بنانے کیلئے ہمیشہ پیٹرولنگ کرتے ہیں، پاک بحریہ خطے میں بحری امن و امان برقرار رکھنے کے حوالے سے اپنی قومی ذمہ داری سے بخوبی آگاہ ہے۔