مسلم لیگ ن کی رہنما مریم اور نگزیب نے سپریم کورٹ کے ججز جسٹس اعجازالاحسن اور جسٹس مظاہر نقوی کے استعفوں پر ردعمل میں کہا ہے کہ سپریم جوڈیشل کونسل نے حساب مانگا تھا استعفیٰ نہیں۔
انہوں نےلاہور میں پریس کانفرنس کے دوران کہا کہ یہ کیا سمجھتے ہیں کہ استعفے دینے سے جان چھوٹ جائےگی، ہرگز نہیں، احتساب آج سے شروع ہوگا۔
حساب دینا ہوگا، معافی نہیں ملےگی، تین بار کا وزیراعظم اپنے آپ کو اپنے خاندان اور جماعت سمیت قانون کے سامنے پیش کرسکتا ہے تو پھر کوئی سپریم کورٹ کا جج ہو یا کسی بھی ادارے کا فرد، حساب کتاب سے کسی کو کوئی استثنیٰ نہیں ملےگا۔
ان کا کہنا تھا کہ ہم سیاستدان خود بھی رُلتے ہیں اور فیملی بھی عذاب جھیلتی ہے، ہمارے لیے نہ تنخواہ، نہ پنشن، نہ مراعات اور جیل جانے کا چانس ہر وقت۔