ترجمان جمعیت علمائےاسلام جے یو آئی کے مطابق ملک بھر سے قومی اسمبلی کیلئے اس کے 122 امیدوار میدان میں ہیں، خیبر پختونخوا اسمبلی کے 110، بلوچستان اسمبلی کیلئے 51 امیدوار انتخابات میں حصہ لیں گے۔
پنجاب اسمبلی کیلئے جے یو آئی کے 134 اور سندھ اسمبلی کیلئے 52 امیدوار نامزد کیے گئے ہیں، امن وامان کی خراب صورتحال کے باوجود بھرپور انتخابی مہم چلائیں گے۔
سابق صوبائی وزیرمخدوم ہارون سلطان جے یو آئی میں شامل ہو گئے ہیں، مخدوم ہارون سلطان این اے 177 مظفر گڑھ سے جے یو آئی کے ٹکٹ پر الیکشن لڑیں گے۔
مخدوم ہارون سلطان بخاری پی پی 272 اور 274 سے بھی الیکشن میں حصہ لیں گے، ان کی جماعت کی مسلم لیگ ن یا کسی اور سیاسی جماعت کے ساتھ کوئی ایڈجسٹمنٹ نہیں ہوئی۔