ایم کیو ایم کے کنوینر خالد مقبول نے کہا ہے کہ کراچی کے لوگوں سے یہ شہر ایک سازش کے ذریعے چھین لیا گیا 21 جنوری کو ایم کیو ایم پاکستان کے جلسے میں کراچی کی رائے اور مینڈیٹ پر عوامی مہر لگے گی۔
مصطفی کمال اور ڈاکٹرفاروق ستار سمیت رابطہ کمیٹی کے دیگر ارکان کے ہمراہ پریس کانفرنس کرتے ہوئے انہوں نے کہاکہ کراچی کے عوام کی رائے ایم کیو ایم کے انتخابی جلسوں میں سامنے آگئی۔
کراچی کے عوام نے جلسوں میں شرکت کرکے ایم کیو ایم کو مینڈیٹ پہلے ہی دے دیا ہے لیکن اکیس جنوری کو باغ جناح میں ہونے والا جلسہ ثابت کردے گا کہ کراچی اپنے حقیقی نمائندوں کو واپس ملنے والا ہے۔