پاکستان تحریک انصاف (پی ٹی آئی) پارلیمنٹیرینز کے سربراہ پرویز خٹک نے مردان میں جلسے سے خطاب کرتے ہوئےکہا کہ عمران خان ذہنی بیمار ہیں کسی چیز کا پتہ نہیں، صحت کارڈ میں نے شروع کیا تھا وہ اس سے بے خبر تھے۔
بے ایمان حکمرانوں نے ملک کا ستیاناس کردیا ہے اور ملک کو قرضوں کے دلدل میں پھنسا دیا، بانی پی ٹی آئی نے دوسروں سے دگنا قرضے لیے، عمران خان آیا اور لوٹ کھسوٹ کرکے چلا گیا، وہ میرے سمجھانے پر بھی نہ سمجھ سکے۔
صوبے میں میری حکومت آرہی ہے کسی کا باپ بھی نہیں روک سکتا، عوام 8 فروری کے انتخابات میں ایماندار لوگوں کا انتخاب کریں، بانی پی ٹی آئی ذہنی بیمار ہیں کسی چیز کا پتہ نہیں، وہ صرف امیر لوگوں کے ساتھ تعلق بناتے ہیں۔
صحت کارڈ میں نے شروع کیا تھا بانی پی ٹی آئی تو بے خبر تھے، خیبرپختونخوا اور مرکز میں بھی حکومت میں نے بنائی تھی، بانی پی ٹی آئی تو کچھ نہیں سمجھتے تھے، 8 فروری کو میں وزیراعلیٰ اور حکومت پی ٹی آئی پی کی ہوگی۔