بلوچستان کے علاقے مچ میں دہشتگردوں کے خلاف 30 جنوری کو کیے گئے آپریشن کے دوران 9 دہشتگرد ہلاک ہوئے تھے جس کے بعد سکیورٹی فورسز کے کلیئرنس آپریشن کے دوران مزید 12 دہشتگرد ہلاک ہوگئے۔
کلیئرنس آپریشن کے دوران اب تک مجموعی طور پر 21دہشتگرد جہنم واصل ہوچکے ہیں،سکیورٹی فورسز نے بروقت کارروائی کرتے ہوئے حملوں کو ناکام بنایا تھا جس کے نتیجے میں کچھ دہشتگرد بھاگنے پر مجبور ہو گئے تھے۔
سکیورٹی فورسز کا کہنا ہے کہ آخری دہشتگرد کے خاتمے اور عوام کی سکیورٹی کو یقینی بنانے تک کلیئرنس آپریشن جاری رہے گا۔