بابر علی نے کہا تھا کہ گورنر پنجاب کو مائیک تھامسن کی خدمات کو سراہنا چاہیے،تاہم اب وفاقی وزیر اطلاعات عطا اللہ تارڑ نے ایچی سن کالج کے پرنسپل مائیک تھامسن سے رابطہ کیا ہے۔
عطا اللہ تارڑ نے پرنسپل ایچی سن کالج مائیک تھامسن سے استعفیٰ واپس لینے کی درخواست کی اور کہا کہ ایچی سن کالج کے پرنسپل اور گورنر پنجاب کے درمیان معاملے کو خوش اسلوبی سے نمٹائیں گے۔
گورنر پنجاب نے پرنسپل ایچی سن کالج مائیک تھامسن کا استعفا منظور بھی کرلیا،گورنر پنجاب نے کہا تھاکہ پرنسپل ایچی سن کالج نے انکوائریوں سے بچنےکیلئے استعفیٰ دیا۔
گورنر پنجاب نے مائیک تھامسن کی مرضی کے برخلاف احد چیمہ کے بچوں کی تین سال کی فیس معاف کرنے کا حکم دیا تھا۔ احد چیمہ کے بچوں کا داخلہ منسوخ کرنے کا مائیک تھامسن کا فیصلہ بھی گورنر پنجاب نے واپس کرادیا تھا۔
اس سے پہلے فروری میں ایچی سن بورڈ آف گورنر کے رکن بابر علی یہ کہہ کر مستعفی ہوچکے ہیں کہ انہوں نے کسی پرنسپل کو مائیک تھامسن سے زیادہ عمدہ طریقے سے اتنے اچھے کام کرتے نہیں دیکھا۔