گجرات میں تحریک انصاف کے صدر چوہدری پرویزالٰہی کی اہلیہ قیصرہ الٰہی اور چوہدری شجاعت حسین کی ہمشیرہ ثمیرہ الٰہی نے پریس کانفرنس میں الزام عائد کیا ہے کہ شجاعت حسین اور پرویز الٰہی میں رخنہ ڈالنے میں اہم کردار وزیر داخلہ محسن نقوی کا ہے۔
قیصرہ الٰہی نے کہاکہ پرویزالٰہی آج بھی خلوص دل سے عمران خان کے ساتھ کھڑے ہیں، وہ 70 سال کی عمر میں آج بھی باہمت ہیں جو سختیاں برداشت کر رہے ہیں۔
چوہدری شجاعت کے بیٹوں نے اقتدار کیلئے خاندان کو دو حصوں میں تقسیم کیا، بہنوں نے نہیں شجاعت کے بیٹوں نے محسن نقوی کی معاونت سے ناممکن کو ممکن بنادیا۔
وفاقی اور صوبائی وزیر بننے والے دونوں بیٹوں نے باپ کو ٹشو کی طرح استعمال کیا، سالک حسین نے اڈیالہ میں پرویزالٰہی سے ملنے کی کوشش کی لیکن انہوں نے انکار کردیا۔
قیصرہ الٰہی نے مزید کہا کہ حیران ہوں 25 سالہ بچہ موسی الہیٰ، 70 سالہ پرویز الہیٰ کا مقابلہ کررہا ہے۔
ثمیرہ الٰہی کا کہنا تھاکہ الیکشن چوری کرکے وفاقی،صوبائی وزیر بننے والے بھائی نفرت سمیٹ رہے ہیں، شجاعت کے بیٹے اقتدار اور ہم حق سچ کیلئے لڑ رہے ہیں۔