سندھ کے سینئر وزیر شرجیل میمن نے پریس کانفرنس میں کہا کہ 10 مئی کے بعد محکمہ ایکسائز غیر رجسٹرڈ گاڑیاں اپنی تحویل میں لے لے گا، 10 مئی سے سندھ بھر میں غیر رجسٹرڈ گاڑیوں کے خلاف کریک ڈاؤن کرنے جارہے ہیں۔
کسی کو بھی سڑک پر غیر رجسٹرڈ گاڑی چلانے کی اجازت نہیں ہوگی، تقریباً 44 ہزار نمبر پلیٹس محکمے میں رکھی ہیں جو لوگ لے کر نہیں گئے، ان تمام نمبرز کی سیریز اخبار میں شائع کرائی جائے گی۔
جن رجسٹرڈ گاڑیوں نے ٹیکس ادا نہیں کیا ہوگا ان پر چالان کیا جائے گا، قانون بنا رہے ہیں کہ کوئی گاڑی شو روم سے اس وقت تک نہ نکلے جب تک رجسٹرڈ نہ ہو۔