امیر جماعت اسلامی حافظ نعیم الرحمٰن نے کہا ہے کہ سوشل میڈیا کیلئے ضابطہ اخلاق اور اس پر عملدرآمد یقینی بنایا جائے،9 مئی کے واقعہ میں جس جس نے منفی کردار ادا کیا، اسے سزا ملنی چاہیے۔
سوشل میڈیا کے نمائندے نئی نسل کو اخلاقی قدروں سے روشناس کرانے کیلئے اپنا کردار ادا کریں، مالی فائدے کی خاطر شر پھیلانے اور غلط خبریں پھیلانے سے گریز کیا جائے، ، کسی کی رائے پر شب خون مارنا آئین، انسانیت، جمہوریت کی توہین ہے۔
9 مئی کے واقعہ میں جس جس نے منفی کردار ادا کیا، اسے سزا ملنی چاہیے، اگر کوئی ادارہ ملوث ہو تو ان کا بھی احتساب کیا جائے، ہم جلاؤ گھیراؤ یا اس طرح کے کسی واقعہ کی حمایت نہیں کر سکتے۔
گندم موجود تھی لیکن ایک ملین ڈالر کی گندم امپورٹ کر کے کسانوں کو نقصان پہنچایا گیا، اب یہ ایک دوسرے پر الزام لگا رہے ہیں، ذمہ داروں کو بے نقاب کرنا چاہیے۔
جماعت اسلامی کی مرکزی مجلس شوریٰ کا اجلاس 25 مئی کو ہے،مشاورت کے بعد قوم کے سامنے پرامن مزاحمت کا ماڈل رکھیں گے، موجودہ حکومتی سیٹ اپ جعلی اور فراڈ ہے اسے تسلیم نہیں کرسکتے۔
چند پارٹیاں شاید اس لیے احتجاج کر رہی کہ انہیں الیکشن میں ن لیگ، پیپلز پارٹی اور ایم کیو ایم کی طرح حصہ نہیں ملا، کشمیر اور فلسطین پر ہمارا مؤقف واضع ہے کہ پوری دنیا میں اسرائیلی جارحیت کے خلاف مظاہرے ہو رہے ہیں ۔