شہر کے مختلف علاقوں میں لوڈ شیڈنگ کا دورانیہ 12 گھنٹوں سے تجاوز کرگیا ہے، کورنگی، لانڈھی، شاہ فیصل کالونی، بھینس کالونی کےمکین لوڈشیڈنگ سے متاثر ہیں۔
قائدآباد، ملیر،گڈاپ، گلشن معمار اور سرجانی ٹاؤن کے مکین بھی گھنٹوں بجلی سے محروم ہیں۔ اورنگی ٹاؤن، بلد یہ ٹاؤن، کیماڑی، لیاقت آباد، ایف سی ایریا اور کریم آباد میں بھی کئی گھنٹوں کی لوڈ شیڈنگ کی جارہی ہے۔
لیاری، اولڈسٹی ایریا، محمودآباد، منظورکالونی اور اعظم بستی میں طویل لوڈشیڈنگ جاری ہے، رات 12 سے صبح 6 بجے کے دوران بھی لوڈ شیڈنگ کی جارہی ہے۔
ترجمان کے الیکٹرک کے مطابق کے الیکٹرک 71 فیصد علاقوں میں بلا تعطل بجلی فراہم کررہی ہے، لوڈشیڈنگ کا شیڈول ویب سائٹ پر موجود ہے، جہاں کنڈے ہیں یا بلوں کی عدم ادائیگی ہے وہاں لوڈ شیڈنگ زیادہ ہے۔