ن لیگ کے سینیٹر طلال چوہدری نے نجی نیوز چینل سے گفتگو میں کہا ہے بانی پی ٹی آئی اپنی سزاؤں کو روکنے کیلئے دباؤ بڑھا رہے ہیں، بانی پی ٹی آئی سمجھتے ہیں کہ شاید اس طرح اسٹیبلشمنٹ یا حکومت دباؤ میں آئے گی، اُن کے سارے گناہ معاف ہوں گے اور انہیں وزیراعظم ہاؤس لایا جائے گا مگر یہ دن گزر چکے ہیں۔
بانی پی ٹی آئی تکنیکی بنیادوں کے پیچھے نہ چھپیں، وہ اب اس سسٹم کا حصہ ہیں کسی قسم کی بلیک میلنگ سے مذاکرات نہیں ہوں گے، صرف سیاست دانوں اور ارکان کو نشانہ نہ بنایا جائے، توہین عدالت کا قانون پوری دنیا میں ختم ہوچکا ہے اس کی زد میں صرف سیاست دان ہی کیوں آتے ہیں؟
اس سے قبل سینیٹ اجلاس سے خطاب میں ن لیگی سینیٹر طلال چوہدری نے کہا کہ اگر آپ سسلین مافیا، گاڈ فادر اور پراکسی جیسے الفاظ کہیں گے تو کوئی برداشت نہیں کرے گا۔
سابق چیف جسٹس آف پاکستان ثاقب نثار نے انہیں پیغام بھجوایا کہ نوازشریف اور مریم نواز کے خلاف بیان دینے پر انہیں پارلیمنٹ میں جانے دیا جائے گا ورنہ جیل بھیجا جائے گا۔