وزیر اطلاعات پنجاب عظمیٰ بخاری نےبیرسٹر سیف کے بیان پر ردعمل دیتے ہوئے کہا کہ عدالتیں سنگین ترین مقدمات میں قید مجرم سے روزانہ ملاقاتوں کی اجازت دے رہی ہیں۔
بانی پی ٹی آئی کو ملنے والی سہولتوں پر دیگر قیدیوں کے بھی اعتراضات آرہے ہیں،نواز شریف اڈیالہ اور کوٹ لکھپت جیلوں میں رہے، ہفتے میں صرف ایک دن ملاقات کی اجازت ہوتی تھی۔
بانی پی ٹی آئی قوم کی نہیں بلکہ اپنی چوریاں چھپانے کی جنگ لڑ رہے ہیں، وہ قیمتی تحائف چوری، گھڑی چوری، عدت میں نکاح، سائفر لہرانے اور 190 ملین پاؤنڈ کیس میں جیل کاٹ رہے ہیں۔
قوم نے توشہ خانہ کے چوروں اور 9 مئی کے فسادیوں کو ریجیکٹ کر دیا ہے،جیل کی تنہائی نے بانی پی ٹی آئی کو ذہنی طور پر مفلوج اور بدحواس کر دیا ہے، انہیں اور ان کے کارندوں کو مزید پروپیگنڈا پھیلانے کی اجازت نہیں دیں گے۔