چیئرمین ایم کیو ایم پاکستان ڈاکٹر خالد مقبول صدیقی نے حیدرآباد کے قلعہ گراؤنڈ میں سانحہ پکا قلعہ کے شہداء کی برسی کے موقع پراجتماع سے خطاب کرتے ہوئے کہا ہے کہ ایم کیو ایم کے بغیر بے نظیر بھٹو وزیراعظم نہیں بن سکتی تھیں، خدشات کے باوجود وزیراعظم بننے کیلئے انہیں ووٹ دیا۔
ہم اپنے حصے کی بہت زیادہ قربانی دے چکے اب کسی اور کی باری ہے، ہم اپنے حصے کا سندھ کو جوڑے رکھنے کا بھائی چارہ قائم کرنے کا کام کرچکے، تم نے 15 سالوں میں جس طرح نفرتیں بانٹی ہیں ہمارے پاس بھی کوئی گلاب نہیں، یہ 50 سال ہُجت تمام ہوئی ہے۔
سندھ کے بجٹ کا تو 97 فیصد کراچی دیتا ہے، ایک طرف وہ ہیں جو سندھ کے بجٹ کا 100 فیصد دیتے ہیں اور ایک طرف وہ جو استعمال کرتے ہیں اس طرح تو گھر نہیں چلتے ملک کیسے چلے گا۔