سابق صدر عارف علوی نے کہا ہے کہ آئندہ کچھ دنوں میں پریشر ککر پھٹ جائے گا جس کا نقصان ان پاکستانیوں کو بھگتنا پڑے گا جنھوں نے پاکستان کے اندر رہنے کا فیصلہ کیا ہے۔
جن لوگوں نے پاکستان سے باہر فرار کے راستے ڈھونڈ لیے ہیں وہ اس نقصان سے محفوظ رہیں گے، جو کچھ بھی ہو جائے ہم ایک مرتبہ پھر پاکستان کو وقار کے ساتھ ترقی کے راستے پر گامزن کریں گے۔
سابق صدر کا کہنا تھا کہ موجودہ جھوٹی، ظالمانہ، بدطینت، اور غیر قانونی حکومت جو لوٹ مار کر رہی ہے اس کی راکھ پر پاکستان کو نئے سرے سے تعمیر کریں گے، یہ سب کچھ بانی پی ٹی آئی کی قیادت میں ہوگا۔