ہم اداروں کے خلاف نہیں افراد کے خلاف ہیں، عارف علوی

سابق صدر مملکت اور پی ٹی آئی رہنما عارف علوی نے کراچی میں میڈیا سے گفتگو کرتے ہوئے کہا ہے کہ میڈیا، عدلیہ اور ریاست بند گلی میں ہو تو کوئی بھی نقصان کر سکتا ہے، ان بارہویں کھلاڑیوں کا شکریہ ادا کرتا ہوں جو ہمیں مقبول کررہے ہیں۔

انہوں نے کہا کہ ہم اداروں کے خلاف نہیں افراد کے خلاف ہیں، میڈیا، عدلیہ اور ریاست بند گلی میں ہو تو کوئی بھی نقصان کرسکتا ہے، بانی پی ٹی آئی نے کہا کہ 1971 میں یحییٰ خان کی وجہ سے نقصان ہوا، بھٹو نے حمود الرحمان کمیشن رپورٹ کو شائع ہونے نہیں دیا تاکہ پردہ رہے، ہم نے حمود الرحمن کمیشن سے کچھ نا سیکھا نا کارگل سے۔

سابق صدر کا کہنا تھا کہ جب پریشر پڑے گا تو پریشر کوکر پھٹے گا، یہ معیشت ٹھیک نہیں ہوگی جب تک ساتھ کھڑے نہیں ہونگے۔