وزیراعظم شہبازشریف نے بیجنگ میں پاک چائنا فرینڈ شپ اینڈ بزنس ریسیپشن سے خطاب کرتے ہوئےکہا کہ پاکستان کو کاروبار دوست ملک بنانا ہماری ترجیح ہے، پاک چین دوستی ہر موقع پر ثابت ہوئی اور ہر آزمائش پر پورا اتری ہے، ایسی دوستی کی کہیں مثال دنیا میں کہیں نہیں ملتی۔
انہوں نے کہا ہے کہ پاکستان معاشی اصلاحات کے ایجنڈے پر عمل پیرا ہے اور پاکستان کو کاروباردوست ملک بنانا ہماری ترجیح ہے، چین کی مختصر مدت میں تیز رفتار ترقی ہماری لیے مشعل راہ ہے، پاکستان چین کے تجربات سے فائدہ اٹھا رہا ہے۔
بشام میں چینی شہریوں پر حملہ پاکستان دشمن عناصر نے کیا اور یہ حملہ انہوں نے پلان کیا جو سی پیک اور پاک چین دوستی کے دشمن ہیں، سی پیک پر کام کرنے والے چینی باشندوں کی سکیورٹی فول پروف بنائی جائیگی۔