پاکستانی دفتر خارجہ نے بھارتی وزارت امور خارجہ کے بیانات پر ردعمل میں کہا ہے کہ بھارت کو جموں وکشمیر پر پاکستان ، چین کے 8 جون کے مشترکہ بیان پر اعتراض کا حق نہیں۔
ترجمان دفتر خارجہ نے کہا ہے کہ اس حقیقت سے انکار ممکن نہیں کہ جموں وکشمیر عالمی سطح پر متنازع علاقہ ہے، مسئلہ کشمیر 7 دہائیوں سے اقوام متحدہ کی سکیورٹی کونسل کے ایجنڈے میں شامل ہے۔
بھارت کی جانب سے مقبوضہ کشمیر کو اپنا علاقہ قرار دینا حقیقت کے منافی ہے، بھارت کو مقبوضہ کشمیر سے متعلق سلامتی کونسل کی قرارداد پر فوری عمل کرنا چاہیے،بھارت کو سی پیک سے متعلق گمراہ کن معلومات نہیں پھیلانی چاہیے،پاک چین اقتصادی راہداری دو خود مختار قوموں کا ترقیاتی منصوبہ ہے۔