لیسکو ذرائع کے مطابقلاہور میں بجلی چوری میں ملوث 9 اہلکاروں کو سزائیں دے دی گئیں، بجلی چوری میں 9 اہلکار ملوث پائے گئے تھے جنہیں سزائیں سنائی گئی ہیں۔
ذرائع نے بتایا کہ میٹر ریڈر محمد وارث، احسن وکٹر، وقاص مشتاق، لائن مین محمد عمران کو نوکری سے برخاست کردیا گیا ہے،اس کے علاوہ میٹر ریڈر ثاقب شہزاد، لائن مین سلمان اور اسسٹنٹ لائن مین ریاض خان کی سروس میں 5 سال کی کٹوتی کی گئی ہے۔
ترجمان لیسکو نے بتایا کہ کالج روڈ سب ڈویژن کا میٹر ریڈر اعجاز شاہ نوکری سے برخاست جب کہ پتوکی سب ڈویژن کے میٹر ریڈر ارشد علی کو جبری ریٹائرڈ کردیا گیا ہے۔