سائفر بطور امانت دی گئی تھی پبلک کیا ہے تو یہ خیانت ہے،خرم دستگیر

اسلام آباد(شوریٰ نیوز) وفاقی وزیر توانائی انجینئر خرم دستگیر نے کہا ہے کہ اعظم خان کا بیان انتہائی اہم ہے،سائفر بطور امانت دی گئی تھی پبلک کیا ہے تو یہ خیانت ہے،وزیراعظم کا یہ کام نہیں تھا کہ خفیہ دستاویزات پبلک کرتے، وہ سائفر نہیں خالی کاغذ تھا جو چیئرمین پی ٹی آئی نے لہرایا ، اس کاغذ پر پھر جھوٹے بیانیہ بنائے گئے ۔نجی ٹی وی سے گفتگو کرتے ہوئے خرم دستگیر نے کہا وزارت عظمی امانت تھی جس کی سابق وزیراعظم نے خلاف ورزی کی۔ڈونلڈٹرمپ پر بھی سرکاری دستاویزات کا کیس بنا۔سائفر کے متن کی بنیاد پر پبلک کرنے یا نہ کرنے کا فیصلہ نہیں ہوتا۔سائفر بطور امانت دی گئی تھی پبلک کیا ہے تو یہ خیانت ہے،وزیراعظم کا یہ کام نہیں تھا کہ خفیہ دستاویزات پبلک کرتے۔انہوں نے کہا اعظم خان کی یہ ذمہ داری ضرور تھی کہ سائفر واپس لیتے،اصل ذمہ داری اس پر عائد ہوتی ہے جس نے آئین کے تحت حلف اٹھایا۔سائفر کے مندرجات اہم نہیں اہم یہ ہے کہ وہ سیکرٹ تھا۔کیا سیکرٹ ایکٹ کی خلاف ورزی ہوئی یہ دیکھنا عدالت کاکام ہے، سابق وزیراعظم نے قوم کو گمراہ کیا کہ امریکا نے حکومت بدلی۔۔