پاکستان اور نیوزی لینڈ کی کرکٹ ٹیموں کے درمیان دوسرا ٹی 20 انٹرنیشنل میچ اتوار کو سیڈن پارک ، ہیملٹن میں کھیلا جائے گا ۔
نیوزی لینڈ کو پانچ میچوں کی سیریز میں 0-1 کی برتری حاصل ہے ،آکلینڈ میں کھیلے گئے پہلے میچ میں میزبان ٹیم نے پاکستان کو دلچسپ مقابلے کے بعد 46 رنز سے شکست دی تھی ۔
پاکستانی ٹیم کو شاہین شاہ آفریدی لیڈ کر رہے ہیں جبکہ نیوزی لینڈ کی ٹیم کین ولیمسن کی قیادت میں میدان میں اترے گی۔
دونوں ٹیموں کے درمیان سیریز کا تیسرا ٹی 20 میچ 17 جنوری کو ڈونیڈن ، چوتھا میچ 19 جنوری کو کرائسٹ چرچ جبکہ پانچواں اور آخری ٹی 20 میچ 21 جنوری کو کرائسٹ چرچ میں کھیلا جائے گا ۔