اٹلی میں تارکین وطن کی کشتی الٹ گئی 41 ہلاک ہو گئے

روم(شوریٰ نیوز)اٹلی میں اٹلی میں تارکین وطن کی کشتی الٹ گئی 41 ہلاک ہو گئے، اٹلی میں حادثے کی شکار کشتی میں 3 بچے بھی شامل تھے۔ جب کہ 4 کو زندہ بچالیا گیا۔ وسطی بحیرۂ روم میں 45 تارکین وطن کو غیر قانونی طور پر یورپ لے جانے والی کشتی ڈوب گئی۔ یہ کشتی گزشتہ ہفتے تیونس سے روانہ ہوئی تھی۔کشتی میں 3 بچے بھی شامل تھے جو والدین سمیت سمندر میں ڈوب گئے۔ حادثے کے وقت قریب سے گزرنے والے کارگو جہاز نے ڈوبنے والوں کو بچانے کی کوشش کی لیکن صرف 4 افراد کو بچایا جا سکاکوسٹ گارڈ نے فوری طور پر اس حادثے پر تبصرے کی درخواست کا جواب نہیں دیا تاہم دو جہازوں کے تصادم کے نتیجے میں ٹوٹنے کی اطلاع دی گئی تھی اور کہا گیا تھا کہ 30 کے قریب تارکین وطن لاپتا ہیں۔علاوہ ازیں تیونس کے حکام نے پیر کے روز بتایا تھا کہ انہوں نے اتوار کو سفیکس کے قریب ایک جہاز کے ملبے سے 11 لاشیں نکالی ہیں اور 44 تارکین وطن ابھی تک لاپتا ہیں۔واضح رہے کہ اٹلی میں رواں برس سمندر کے ذریعے تقریباً 93,700 تارکین وطن پہنچ چکے ہیں جب کہ گزشتہ برس یہ تعداد 44،700 تھی۔