ایران کے شہر بندر عباس میں پورٹ پر ہونے والے دھماکے میں 14 افراد جاں بحق اور 750 سے زائد افراد زخمی ہوگئے۔
ایرانی میڈیا کے مطابق دھماکا بندر عباس کی شاہد راجئی پورٹ پر واقع ایک انتظامی عمارت میں ہوا جس کی آواز دور تک سنی گئی۔
ایرانی میڈیا کا بتانا ہے کے دھماکے میں زخمی ہونے والے افراد کی تعداد 750 سے زیادہ ہوگئی ہے، دھماکے کے بعد امدادی کارروائیاں شروع کر دی گئیں اور زخمیوں کو اسپتال منتقل کردیا گیا۔
ایران کے صوبے ہرمزگان کے کرائسز مینجمنٹ سیل کے سربراہ کا کہنا ہے کہ دھماکا بہت شدید تھا تاہم دھماکے کی وجوہات کے بارے میں تاحال حتمی طور پر معلوم نہیں ہوسکا ہے۔
ایرانی حکام کے مطابق دھماکے سے قریبی عمارتوں اور گاڑیوں کو شدید نقصان پہنچا۔
دھماکا ممکنہ طور پر کیمیکل کے گودام میں ہوا ، ایرانی صدر نے تحقیقات کا حکم دے دیا ہے۔