پہلگام فالس فلیگ آپریشن کے بعد بھارت کے اندر سے مودی اور بھارتی میڈیا پر تنقید شروع ہوگئی۔
ذرائع کے مطابق مختلف میڈیا پلیٹ فارمز پر بھارتی شہریوں نے سکیورٹی فیلیئر کے حوالے سے بی جے پی کو تنقید کا نشانہ بنایا اور تنقید کا سلسلہ اب تک جاری ہے۔
ذرائع کا کہنا ہے کہ منظر عام پر آنے والی ویڈیوز میں بھارتی شہریوں نے مودی اور بھارتی میڈیا پر سوالات اٹھا دیے، پوڈکاسٹ ہوسٹ نے سوال پوچھا کہ کیا پہلگام سکیورٹی فیلیئر نہیں ہے؟
پوڈکاسٹ مہمانوں نے جواب دیا کہ پلوامہ بھی سکیورٹی فیلیئر تھا، پٹھان کوٹ بھی سکیورٹی کی ناکامی تھی۔
پوڈکاسٹ مہمان نے سوال کیا کہ 2 لوگ پاکستان کے زیر استعمال کشمیر گئے، 7 سال ٹریننگ کی اور واپس آگئے، تو یہ سب کون مانیٹر کر رہا تھا ؟ پوڈکاسٹ ہوسٹ نے کہا کہ مودی حکومت دعویٰ کرتی ہے کہ اس نے بھارت خصوصاً کشمیر کو دہشتگردی سے پاک کر دیا۔
پوڈکاسٹ ہوسٹ نے کہا کہ کیا بی جے پی حکومت کو 11 سال کافی نہیں تھے؟ مودی نے دہشتگردی کے خاتمے کیلئے مختلف اقدامات کا دعویٰ کیا مگر نتیجہ کیا نکلا ؟
پوڈکاسٹ کے مہمان نے کہا بھارتی الیکٹرانک میڈیا پر تو حملے کی وجوہات اور سکیورٹی فیلیئر پر کوئی بات ہی نہیں کرتا، بھارتی میڈیا بس یہی بتا رہا ہے کہ ہندوؤں کو مار دیا اور مودی یہ کہہ رہا ہے۔
سیاسی ماہرین کا کہنا ہے کہ بی جے پی اور بھارتی میڈیا اپنے ہی جھوٹ پر یقین کرنے کی بیماری میں مبتلا ہو چکا ہے۔