ہندو انتہا پسند جماعت بی جے پی کی کٹھ پتلی مودی سرکار نے اگنی ویر سکیم کے نام پر بھارتی نوجوانوں کا مستقبل تباہ کردیا۔مودی کی اگنی ویر سازش نے کروڑوں بھارتی نوجوانوں کو مستقل روزگار سے محروم کر کے 4 سالہ جنگی غلامی میں دھکیل دیا، اگنی ویر سازش کے تحت سپاہیوں سے پنشن، تحفظ اورمستقل نوکری کا حق چھین کر اڈانی کو اربوں کے دفاعی ٹھیکے دیئے۔
اگنی ویر سازش کے تحت مودی راج نے قومی سلامتی کے اداروں کو ذاتی مفادات اور سرمایہ داروں کے تجارتی عزائم کے تابع کر دیا۔کانگریس رہنما راہول گاندھی نے انکشاف کیا ہے کہ اگنی ویر سکیم کا اصل مقصد فوجیوں کی پنشن، تنخواہوں اور اہل خانہ کی فلاح کے فنڈز کو کارپوریٹ دفاعی سودوں کی طرف منتقل کرنا تھا، سپاہیوں کی پنشن کا پیسہ نکال کر اڈانی ڈیفنس کے اسلحہ کے کنٹریکٹس پر لگایا گیا جو صرف لیبلنگ فیکٹری ہے۔
انہوں نے کہا ہے کہ اڈانی ڈیفنس نہ ہتھیار بناتا ہے نہ ڈرون صرف بیرون ملک سے منگوایا گیا اسلحہ اپنے لیبل سے فروخت کرتا ہے، یہ سکیم سپاہیوں کی قربانی کو اڈانی کے منافع میں بدلنے کی سازش ہے، اگنی ویر سکیم میں قومی دفاع کو کاروباری ماڈل میں جھونک دیا گیا ہے۔
راہول گاندھی کا کہنا تھا کہ مودی سرکار نے وردی کا خواب بیچ کر اڈانی کو اربوں کےکنٹریکٹس تھما دیئے، نوجوانوں کے جذبے کو کاروبار میں بدل دیا، بی جے پی جنگی فضا بنا کر اسلحہ کے نام پر اپنے قریبی سرمایہ داروں کو نواز رہی ہے جبکہ اگنی ویر کے جھانسے میں آکر غریب نوجوان قربانی دے رہے ہیں۔
کانگریس رہنما نے مزید کہا کہ مودی نے ملک کی فوج کو قومی دفاع کے بجائے اڈانی جیسے دوستوں کے بزنس ماڈل کا حصہ بنا دیا ہے، اگنی ویر سکیم صرف کارپوریٹ منافع کا ایک خاموش ہتھیار بن چکی ہے جو سکیورٹی کے نام پر سرمایہ داروں کی جیبیں بھرتی ہے، اڈانی ڈیفنس غیر ملکی ہتھیاروں پر اپنا لیبل لگا کر قوم کو ’’میڈ اِن انڈیا‘‘ کا فریب دے رہا ہے۔
اگنی ویر کو بھارتی عوام پر حب الوطنی کے نام پر مسلط کر کے منافع کمایا جا رہا ہے، اگنی ویر سکیم مودی راج کی بھارتی نوجوانوں کے مستقبل پر مسلط جنگ ہے، بی جے پی کی جنگی سیاست کا سارا فائدہ اڈانی کو جاتا ہے، اگنی ویر سکیم نوجوانوں کے خوابوں کا سودا اور اڈانی کی تجوریاں بھرنے کا منصوبہ ثابت ہوئی ہے۔