فوجی امداد کے تحت امریکا کی جانب سے یوکرین کو فضائی دفاع میزائل، HIMARS راکٹ، ایوینجر فضائی دفاعی نظام، وائر گائیڈڈ میزائل، اینٹی آرمر سسٹمز اور گولہ بارود دیا جائے گا۔
یہ اعلان اس وقت کیا گیا جب یوکرین کے صدر ولادیمیر زیلنسکی نے 21 ستمبر کو وائٹ ہاؤس میں امریکی ہم منصب سے ملاقات کی،امریکا کی جانب سے چھوٹے اسلحے کے لیے 30 لاکھ سے زائد راؤنڈز بھی فراہم کیے جائیں گے۔
ہتھیاروں کے ساتھ ساتھ اس پیکج کے تحت 59 لائٹ ٹیکٹیکل وہیکلز اور دیگر آلات بھی یوکرین کے حوالے کیے جائیں گے،یوکرینی صدر امریکا سے طویل فاصلے تک مار کرنے والے میزائل بھی حاصل کرنا چاہتے تھے تاہم وہ اس پیکج میں شامل نہیں۔
یوکرین کو جو اسلحہ اور سامان فراہم کیا جائے گا، اس کی ایوان نمائندگان کانگریس سے منظوری حاصل کرنا ضروری نہیں بلکہ یہ پینٹاگون کے اسٹاک سے ہنگامی بنیادوں پر یوکرین بھیجا جائے گا۔