صائمہ سلیم نے کہا کہ بھارت دہشتگردی کا شکار نہیں بلکہ اس کا اسپانسر ہے اور بھارت پاکستان سمیت خطے کے ممالک میں دہشت گردی میں ملوث ہے،بھارت نے کشمیر پر جابرانہ قبضہ کر رکھا ہے۔
بھارتی مظالم اورپابندیوں کے باوجود کشمیریوں کے دل پاکستان کے ساتھ دھڑکتے ہیں، بھارت کے غاصبانہ قبضے کےخلاف کشمیریوں کی مزاحمت جائز اور قانونی ہے، کشمیریوں کی آزادی کی تحریک دہشت گردی نہیں۔
بھارتی دہشتگردی کی فرنچائز اب عالمی ہوگئی ہے، بھارت میں مسلمانوں سمیت اقلیتوں پر مظالم ڈھائے جارہے ہیں، رواں سال کے ابتدائی 8 ماہ میں صرف مسیحیوں پر 525 حملےکیے گئے، دنیا بھارت کو اسٹریٹیجک وجوہات پر چھوٹ دینا بند کردے۔