غزہ کے نہتے عوام کے خلاف غاصب اسرائیل کی وحشیانہ جارحیت کی مذمت اور فلسطین کی حمایت میں دنیا کے مختلف ممالک اور شہروں میں مظاہروں کا سلسلہ جاری ہے۔ ان مظاہروں میں شریک افراد اسرائیل اور امریکہ سے اپنی نفرت و بیزاری کا اظہار کررہے ہیں ۔
فلسطین کے ساتھ یکجہتی اور اس کی حمایت کا اعلان اور اعادہ کر رہے ہیں۔ اسی سلسلے میں فلسطین کی حمایت میں ہندوستان میں ایک بار پھر مظاہرہ ہوا ہے۔ یہ مظاہرہ جنوبی ریاست تلنگانہ کے صدر مقام حیدر آباد میں ہوا ہے۔
حیدرآباد میں مسلم خواتین نے فلسطین کی حمایت اور غاصب اسرائيل کے خلاف مظاہرہ کیا، مسلم خواتین شہر کے درگاہ میدان میں جمع ہوئیں اور انہوں نے فلسطین کے ساتھ یکجہتی کا اظہار کیا۔
احتجاج کے مقام پر غاصب اسرائیل اور امریکہ کے جھنڈے پڑے ہوئے تھے اور مظاہرہ کرنے والی خواتین نے اسرائیل اور امریکہ کے جھنڈوں کو اپنے پیروں تلے روندا۔