صیہونی وزیر اعظم نیتن یاہو نے حماس کے خوف سے غزہ کی سرحد پر صیہونی قبضے کے پرانے منصوبے پر ایک بار پھر عمل درآمد کا فیصلہ کر لیا۔
نیتن یاہو کا کہنا تھا کہ ممکنہ طور پر مہینوں تک جاری رہنے والی اس جنگ میں حماس پر فتح حاصل کرنے کیلئے ضروری ہے کہ صیہونی حکومت ایک بار پھر غزہ اور مصر کے درمیان سرحد پر کنٹرول سنبھال لے۔
صحافیوں سے بات چیت کرتے ہوئے صیہونی وزیراعظم کا کہنا تھا کہ اس وقت جنگ اپنے عروج پر ہے اور اس جنگ کو جیتنے کا خواب صیہونی حکومت کے فلاڈیلفی کوریڈور بفر زون پر قبضے کے بغیر پورا نہیں ہو سکتا۔
نیتن یاہو نے کہا کہ صیہونی حکومت فی الحال اپنی فوج واپس بلانے کا کوئی ارادہ نہیں رکھتا، حماس کو شکست دینے کیلئے اس سرحد کا بند ہونا ضروری ہے۔
واضح رہے کہ صیہونی حکومت 2005 میں نمائشی طور پر غزہ سے اپنا قبضہ ختم کرنے سے قبل غزہ اور مصر کے درمیان سرحد پر قابض رہ چکا ہے۔