امریکی صدر جو بائیڈن نے غزہ میں صیہونی حملے میں 7 امدادی کارکنوں کی ہلاکت کی مذمت کی ہے۔
امریکی صدر نے صیہونی حکومت پر الزام عائد کیا کہ اس نے امدادی کارکنوں کا تحفظ یقینی بنانے کے لیے خاطر خواہ اقدامات نہیں کیے۔
صدر بائیڈن نے مطالبہ کیا ہے کہ صیہونی حکومت اس واقعے کی فوری تحقیقات کرے اور اس کے نتائج عوام کے سامنے لائے جائیں۔
انہوں نے کہا کہ صیہونی حکومت نے شہریوں کو درکار امداد پہنچانے والے امدادی کارکنوں کے تحفظ کے لیے خاطر خواہ اقدامات نہیں کیے جس کی وجہ سے غزہ میں امداد کی تقسیم بہت مشکل تھی۔
امریکی صدر نے یہ بھی الزام عائد کیا کہ صیہونی حکومت نے شہریوں کی حفاظت کو یقینی بنانے کے لیے مناسب اقدامات نہیں کیے۔
خیال رہے کہ گزشتہ دنوں غزہ میں غیرملکی این جی او ورلڈ سینٹرل کچن کے لیے کام کرنے والے 7 امدادی کارکنان صیہونی حملے میں ہلاک ہوگئے تھے جن میں امریکا، کینیڈا، آسٹریلیا، برطانیہ، پولینڈ اور فلسطین کی شہریت رکھنے والے کارکنان شامل تھے۔