صیہونی وزیراعظم بن یامین نیتن یاہو نے ایران کے ساتھ بڑھتی ہوئی کشیدگی میں تحمل سے کام لینے سے متعلق عالمی دباؤ مسترد کر دیا۔
صیہونی کابینہ سے خطاب میں نیتن یاہو نے کہا کہ انہوں نے برطانوی اور جرمن وزرائے خارجہ سے ملاقاتوں میں واضح کر دیا ہے کہ صیہونی حکومت اپنے دفاع کیلئے جو ضروری ہوگا وہ کرے گا، دوستوں کی قابل قدر تجاویز اپنی جگہ لیکن صیہونی حکومت اپنے فیصلے خود کرے گا۔
صیہونی وزیراعظم سے ملاقات کے بعد برطانوی وزیرخارجہ ڈیوڈ کیمرون کا کہنا تھا کہ صیہونی حکومت نے فیصلہ کر لیا ہے کہ وہ ایران کو اس کے حملے کا جواب دے گا۔
جرمن وزیر خارجہ اینالینا بیئربوک کا کہنا تھا کہ مشرق وسطیٰ غیر متوقع صورتحال میں جانے کا متحمل نہیں ہوسکتا، خطے کے تمام فریقین کو ہوشیاری اور ذمہ داری کا مظاہرہ کرنا چاہیے۔
خیال رہے کہ دمشق میں ایرانی سفارت خانے پر صیہونی حملے کے جواب میں ایران نے ہفتے کی شب صیہونی حکومت پر 300 سے زائد میزائل اور ڈرون داغے تھے۔