غزہ: رفح میں اقوام متحدہ کی امدادی ایجنسی کی گاڑی صیہونی فوج کے حملوں کا نشانہ بن گئی۔
عرب میڈیا کے مطابق فلسطین کے لیے کام کرنے والی اقوام متحدہ کی امدادی ایجنسی انروا کی گاڑی صیہونی شیلنگ کی زد میں آگئی۔
صیہونی فوج کی شیلنگ سے عالمی ادارہ صحت کا کارکن اور فلسطینی ڈرائیور زخمی ہوگئے۔
خیال رہے کہ گزشتہ ہفتے حماس کی جانب سے مصر اور قطر کے پیش کردہ جنگ بندی معاہدے کو قبول کرنے کے بعد اسرائیل نے معاہدہ مسترد کرتے ہوئے غزہ کے جنوبی علاقے رفح پر حملہ کردیا تھا۔
صیہونی فوج نے حملے کے آغاز میں ہی رفح کراسنگ کا آپریشنل کنٹرول حاصل کرکے مصر کے راستے آنے والی عالمی امداد بھی روک دی تھی۔
7 اکتوبر سے جاری صیہونی جارحیت کے نتیجے میں غزہ میں بے گھر ہونے والے شہری رفح میں پناہ لیے ہوئے تھے جو صیہونی حملے کے نتیجے میں ایک بار پھر نقل مکانی پر مجبور ہوئے۔