ریاض(شوریٰ نیوز)ایران نے کبھی بھی سعودیہ کو دشمن نہیں سمجھا، ہم صیہونی حکومت(اسرائیل) کو عالم اسلام کا مشترکہ دشمن سمجھتے ہیں،عرب میڈیا کے مطابق ایرانی صدر ابراہیم رئیسی کاکہنا ہے کہ ایران نے کبھی بھی سعودی عرب کو اپنا دشمن نہیں سمجھا، اسلامی جمہوریہ ایران کے قوانین کے مطابق ہم صیہونی حکومت(اسرائیل) کو عالم اسلام کا مشترکہ دشمن سمجھتے ہیں۔واضح رہے کہ رواں سال مارچ میں سعودی عرب اور ایران نے اعلان کیا تھا کہ وہ سات سال کے بغیر رسمی تعلقات کے بعد سفارتی تعلقات بحال کرنے کے لیے چین کی ثالثی میں ایک معاہدے پر پہنچ گئے ہیں۔اس معاہدے کے مطابق دونوں ممالک نے سفارت خانے اور قونصل خانے دوبارہ کھولنے اور 20 سال قبل طے پانے والے سکیورٹی اور اقتصادی تعاون کے معاہدوں پر عمل درآمد پر اتفاق کیا تھا۔