پیرس، نیویارک، بارسلونا، تیونس اور مانچسٹر سمیت دنیا کے مختلف شہروں میں فلسطینیوں سے اظہار یکجہتی کیلئے مظاہرے کیے گئے، مظاہرین نے عالمی برادری سے صیہونی حکومت پر سخت پابندیوں کا بھی مطالبہ کردیا۔
پیرس میں پولیس اور فلسطین کے حامی مظاہرین کے درمیان جھڑپیں، مظاہرین نے فرانسیسی حکومت سے صیہونی حکومت کے خلاف سخت اقدامات کا مطالبہ کردیا۔
بارسلونا میں یورپی کمیشن کے صدر دفتر اور میڈرڈ میں وزارت خارجہ کے باہر سینکڑوں مظاہرین نے صیہونی حکومت کے خلاف سخت پابندیوں کا مطالبہ کیا۔
تیونس میں ہزاروں افراد نے فلسطینی پرچم لہرا کر فلسطینیوں سے یکجہتی کا اظہار کرتے ہوئے عالمی برادری سے صیہونی حملے رکوانے پر زور دیا۔
نیویارک شہر میں سینکڑوں فلسطینی حامی مظاہرین نے بارش کے باوجود مارچ کرتے ہوئے رفح میں صیہونی حملے پر غم و غصے کا اظہار کیا۔
ادھر مانچسٹر یونیورسٹی کے تاریحی کیمپس پر صیہونی حکومت مخالف مظاہرین نے فلسطینی پرچم لہرا دیا۔