مشرقی اور وسطی یورپ میں جاری شدید بارشوں سے سیلابی صورتحال پیدا ہوگئی،رومانیہ میں بارش اور سیلاب سے مختلف حادثات میں 4 افراد ہلاک ہوئے۔
متاثرہ یورپی ممالک کے دریاؤں میں پانی کی سطح بلند ترین حدوں سے اوپر چلی گئی، چیک ریپبلک اور پولینڈ کے سرحدی قصبوں کے مکین محفوظ مقامات پر منتقل ہوگئے۔
مقامی حکام کے مطابق رومانیہ میں شدید بارشوں کے بعد سیلاب سے 5 ہزار مکانات کو نقصان پہنچا ہے،چیک ری پبلک، سلوواکیہ، پولینڈ، ہنگری، جرمنی اور آسٹریا میں آئندہ دنوں میں مزید بارشوں کی پیشگوئی کی گئی ہے۔