ایکواڈور کی سب سے بڑی جیل میں قیدیوں کے درمیان جھڑپوں میں 15 قیدی ہلاک اور 14 زخمی ہو گئے۔میڈیا رپورٹ میں جیل انتظامیہ کے حوالےسے بتایا کہ جنوب مغربی شہر گویاکیل کی لیٹورل جیل میں جھڑپیں گزشتہ روز شروع ہوئیں، انتظامیہ کے مطابق پولیس اور مسلح افواج کے دستوں نے جیل کا مکمل کنٹرول حاصل کر کے بڑے پیمانے پر سرچ آپریشن کیا۔
حکام نے واقعہ کی تحقیقات بھی شروع کر دی، اس جیل میں منظم جرائم اور منشیات کی سمگلنگ کے گروہوں سے منسلک قیدیوں کے درمیان اکثر جھڑپیں ہوتی رہی ہیں، ایکواڈورکے سرکاری اعدادوشمار کے مطابق فروری 2021ء سے اب تک ایسے واقعات میں 400 سے زیادہ قیدی ہلاک ہو چکے ہیں۔