مراکش، بس کو موڑ کاٹتے الٹنے سے حادثہ، 24 افراد ہلاک

رباط(شوریٰ نیوز) مراکش، بس کو موڑ کاٹتے الٹنے سے حادثہ، 24 افراد ہلاک،ریسیکو اہلکار نے موقع پر پہنچ کر لاشوں اور زخمیوں کو اسپتال منتقل کردیا۔ حادثہ مراکش کے وسطی صوبے ایزیلال میں پیش آیا۔ بس میں سوار افراد ڈیمنیٹ قصبے میں لگنے والے ہفتہ وار بازار جا رہے تھے۔حادثے کی اطلاع ملنے پر ریسیکو اہلکار موقع پر پہنچے اور لاشوں اور زخمیوں کو اسپتال منتقل کیا۔ حکام کا کہنا ہے کہ اموات میں اضافے کا خدشہ ہے۔ حادثے کی وجوہات معلوم کرنے کے لیے تحقیقات جاری ہیں۔مراکش میں رواں سال مارچ میں بھی منی بس تیز رفتاری کے باعث بے قابو ہو کر درخت سے ٹکرا گئی تھی جس کے نتیجے میں 11 افراد ہلاک ہوئے تھے۔ ہلاک افراد میں زیادہ تر کسان تھے۔